წესები და პირობები

Activity.ge - წესები და პირობები
ბოლოს განახლებულია: მარტი, 2025
1. ზოგადი დებულებები
1.1 წინამდებარე წესები და პირობები აწესრიგებს activity.ge-ის (შემდგომში - შპს ,,ექტივიტი პლატფორმ ჯორჯია”) მიერ შეთავაზებული ვებგვერდის, მობილური აპლიკაციისა და სხვა ინტეგრირებული სერვისების  გამოყენების წესებს.
1.2 სერვისები წარმოადგენს ადამიანური რესურსების მართვის, დროის აღრიცხვის, შიდა კომუნიკაციისა და პროექტების მართვის ინტეგრირებულ პლატფორმას.
1.3 წინამდებარე წესების და პირობების გაცნობის და დათანხმების გარეშე სერვისების გამოყენება დაუშვებელია. სერვისების გამოყენების დაწყებით, ან/და რეგისტრაციით მომხმარებელი ეთანხმება წინამდებარე წესებსა და პირობებს სრულად და უპირობოდ.
1.4 კომპანია უფლებას იტოვებს, ნებისმიერ დროს შეცვალოს წინამდებარე წესები და პირობები, სერვისის ცალკეული ფუნქციონალი, ფასები და ნებისმიერი სხვა პირობა მომხმარებლის წინასწარი გაფრთხილებით ან გაფრთხილების გარეშე.
2. რეგისტრაცია და ანგარიში
2.1 სერვისების გამოყენებისთვის აუცილებელია რეგისტრაცია და მომხმარებლის ანგარიშის შექმნა. რეგისტრაციისას მითითებული უნდა იყოს ზუსტი და სრული ინფორმაცია.
2.2 მომხმარებელი პასუხისმგებელია თავისი ანგარიშის უსაფრთხოებასა და საიდუმლოების დაცვაზე (მათ შორის პაროლის დაცვაზე) და ვალდებულია დაუყოვნებლივ შეატყობინოს კომპანიას მისი ანგარიშის არაავტორიზებული გამოყენების შესახებ.
2.3 კომპანია არ არის პასუხისმგებელი იმ ზიანზე, რომელიც გამოწვეულია მომხმარებლის ანგარიშის არაავტორიზებული გამოყენებით, თუ ეს გამოწვეულია მომხმარებლის მიერ უსაფრთხოების ზომების დაუცველობით.
2.4 იურიდიული პირის სახელით რეგისტრაციისას, რეგისტრაციის განმახორციელებელი პირი ადასტურებს, რომ მას აქვს სათანადო უფლებამოსილება, იმოქმედოს ამ იურიდიული პირის სახელით.
3. მომსახურების პირობები
3.1 კომპანია მომხმარებელს ანიჭებს შეზღუდულ, არაექსკლუზიურ, უფლებების გადაცემის უფლების გარეშე ლიცენზიას სერვისების გამოყენებისთვის, წინამდებარე წესებისა და პირობების შესაბამისად.
3.2 კომპანია მიზნად ისახავს სერვისების უწყვეტ ხელმისაწვდომობას, თუმცა არ იძლევა გარანტიას, რომ სერვისები ყოველთვის ხელმისაწვდომი იქნება შეფერხებების გარეშე. პერიოდულად შესაძლებელია დაგეგმილი ან დაუგეგმავი ტექნიკური სამუშაოების ჩატარება.
3.3 კომპანია უზრუნველყოფს მომხმარებელთა მხარდაჭერას შეძენილი სერვისის პაკეტის შესაბამისად.
4. მომხმარებლის უფლება-მოვალეობები
4.1 მომხმარებელი ვალდებულია:
•    დაიცვას მოქმედი კანონმდებლობა და ამ წესებით დადგენილი პირობები;
•    პატივი სცეს სხვა მომხმარებლების უფლებებს;
•    დაიცვას კონფიდენციალურობა და არ გაამჟღავნოს მესამე პირების პერსონალური მონაცემები;
•    დროულად გადაიხადოს სერვისის საფასური (თუ გამოიყენება ფასიანი სერვისი).
4.2 მომხმარებელს ეკრძალება:
•    სერვისების გამოყენება უკანონო მიზნებისთვის;
•    მესამე პირების უფლებების დარღვევა;
•    მავნე კოდის, ვირუსების ან სხვა მავნე პროგრამების გავრცელება;
•    კომპანიის უსაფრთხოების სისტემების გვერდის ავლა;
•    პროგრამის რევერსული ინჟინერია, დეკომპილაცია ან დაშლა;
•    ინფრასტრუქტურის გადატვირთვა არაგონივრული მოთხოვნებით;
•    ლიცენზიის ან წვდომის გადაცემა სხვა პირებისთვის, გარდა ავტორიზებული მომხმარებლებისა.
5. ინტელექტუალური საკუთრება
5.1 სერვისები, მათ შორის პლატფორმა, კოდი, დიზაინი, ინტერფეისი, ლოგოები და სხვა კონტენტი წარმოადგენს კომპანიის ინტელექტუალურ საკუთრებას და დაცულია საავტორო უფლებებით, სავაჭრო ნიშნებით და ინტელექტუალური საკუთრების სხვა უფლებებით.
5.2 მომხმარებელი ინარჩუნებს საკუთრებას თავის მონაცემებზე, რომლებიც შეყვანილია ან შენახულია პლატფორმაზე. კომპანიას უფლება აქვს გამოიყენოს ეს მონაცემები მხოლოდ სერვისების მიწოდების, გაუმჯობესებისა და ტექნიკური მხარდაჭერის მიზნით.
6. პერსონალური მონაცემები
6.1 კომპანია ამუშავებს პერსონალურ მონაცემებს საქართველოს მოქმედი კანონმდებლობის, მათ შორის "პერსონალურ მონაცემთა დაცვის შესახებ" საქართველოს კანონის შესაბამისად.
6.2 პერსონალური მონაცემების დამუშავება ხორციელდება კომპანიის კონფიდენციალურობის პოლიტიკის შესაბამისად, რომელიც წარმოადგენს ამ წესებისა და პირობების განუყოფელ ნაწილს.
6.3 სერვისების გამოყენებით, მომხმარებელი თანხმობას აცხადებს პერსონალური მონაცემების დამუშავებაზე კონფიდენციალურობის პოლიტიკის შესაბამისად.
7. ფასები და გადახდის პირობები
7.1 სერვისების საფასური განისაზღვრება შესაბამისი სააბონენტო პაკეტით, რომელიც ხელმისაწვდომია კომპანიის ვებგვერდზე ან კონკრეტული ხელშეკრულებით.
7.2 გადახდა უნდა განხორციელდეს კომპანიის მიერ მითითებული მეთოდებით, შეთანხმებული პერიოდულობით (ყოველთვიურად ან წლიურად).
7.3 გადახდის დაგვიანების შემთხვევაში კომპანიას უფლება აქვს:
•    დააწესოს საჯარიმო პროცენტი ან მოგვიანებული გადახდის საკომისიო;
•    შეაჩეროს ან შეზღუდოს წვდომა სერვისებზე;
•    შეწყვიტოს მომსახურება გადაუხდელობის ხანგრძლივი პერიოდის შემთხვევაში.
7.4 მითითებული ფასები არ მოიცავს დღგ-ს და სხვა გადასახადებს, თუ სხვაგვარად არ არის მითითებული.
8. თანხის დაბრუნების პოლიტიკა
8.1 სააბონენტო პაკეტები:
•    ყოველთვიური გამოწერა: ყოველთვიური სააბონენტო გადასახადის გადახდის შემთხვევაში, გადახდილი თანხა არ ბრუნდება მიმდინარე საანგარიშო პერიოდის დასრულებამდე. გამოწერის გაუქმება ძალაში შევა მომდევნო საანგარიშო პერიოდიდან. გამონაკლისი შეიძლება დაშვებულ იქნას სერვისის მნიშვნელოვანი და ხანგრძლივი შეფერხების ან შეუსაბამობის შემთხვევაში, რაც დადასტურდება Activity.ge-ს მხრიდან.
•    წლიური გამოწერა: წლიური სააბონენტო გადასახადის გადახდის შემთხვევაში, თუ თქვენ მოითხოვთ გამოწერის გაუქმებას საანგარიშო წლის განმავლობაში, შესაძლებელია თანხის ნაწილობრივი დაბრუნება გამოუყენებელი თვეების პროპორციულად. ამ შემთხვევაში, შესაძლოა დაქვითულ იქნას ადმინისტრაციული ხარჯები. თანხის დაბრუნების საკითხი განიხილება ინდივიდუალურად, კონკრეტული გარემოებების გათვალისწინებით.
8.2 დამატებითი სერვისები:
•    ონბორდინგი და დანერგვა: ონბორდინგისა და დანერგვის სერვისებზე გადახდილი თანხა, როგორც წესი, არ ბრუნდება სერვისის გააქტიურების ან ტრენინგის ჩატარების შემდეგ. გამონაკლისი შეიძლება დაშვებულ იქნას იმ შემთხვევაში, თუ Activity.ge-ს მხრიდან ვერ მოხდა შეთანხმებული სერვისის სრულყოფილად მიწოდება. თითოეული შემთხვევა განიხილება ინდივიდუალურად.
•    მხარდაჭერის პაკეტები: გაფართოებული და პრემიუმ მხარდაჭერის პაკეტებზე გადახდილი თანხა არ ბრუნდება, თუ სააბონენტო პაკეტი, რომელსაც აღნიშნული მხარდაჭერა უკავშირდება, არ ექვემდებარება დაბრუნებას. სააბონენტო პაკეტის თანხის ნაწილობრივი დაბრუნების შემთხვევაში, შესაძლებელია მხარდაჭერის პაკეტის ღირებულების პროპორციული დაბრუნებაც.
8.3 თანხის დაბრუნების მოთხოვნის პირობები:
•    თანხის დაბრუნების მოთხოვნა უნდა გაიგზავნოს Activity.ge-ს მომხმარებელთა მხარდაჭერის სამსახურში ელექტრონული ფოსტის ან ვებგვერდის საშუალებით, არაუგვიანეს 14 (თოთხმეტი) კალენდარული დღისა სერვისის შეძენიდან ან იმ მოვლენიდან, რომელიც გახდა დაბრუნების მოთხოვნის საფუძველი.
•    მოთხოვნაში დეტალურად უნდა იყოს აღწერილი თანხის დაბრუნების მიზეზი და თანდართული უნდა იყოს შესაბამისი დამადასტურებელი დოკუმენტაცია (ასეთის არსებობის შემთხვევაში).
•    Activity.ge იტოვებს უფლებას, მოითხოვოს დამატებითი ინფორმაცია ან დოკუმენტაცია თქვენი მოთხოვნის განხილვისთვის.
8.4 თანხის დაბრუნების განხილვის პროცესი:
•    თქვენი მოთხოვნა განიხილება Activity.ge-ს შესაბამისი განყოფილების მიერ 10 (ათი) სამუშაო დღის განმავლობაში.
•    გადაწყვეტილება თანხის დაბრუნების შესახებ ეცნობება მომხმარებელს ელექტრონული ფოსტის საშუალებით.
•    დადებითი გადაწყვეტილების შემთხვევაში, თანხის დაბრუნება განხორციელდება იმავე გადახდის მეთოდით, რომელიც გამოიყენეთ სერვისის შეძენისას, 14 (თოთხმეტი) სამუშაო დღის განმავლობაში.
8.5 თანხის დაბრუნებაზე უარის თქმის საფუძველი:
Activity.ge უფლებას იტოვებს, უარი თქვას თანხის დაბრუნებაზე შემდეგ შემთხვევებში:
•    თუ მოთხოვნა არ შეესაბამება წინამდებარე პოლიტიკით გათვალისწინებულ პირობებს.
•    თუ არ არის წარმოდგენილი საკმარისი საფუძველი თანხის დაბრუნებისთვის.
•    თუ სერვისით სარგებლობა უკვე დაიწყო და არ არსებობს სერვისის ხარისხთან დაკავშირებული მნიშვნელოვანი ხარვეზები.
•    თუ მოთხოვნა გაგზავნილია დადგენილი ვადის გასვლის შემდეგ.
8.6 ცვლილებები პოლიტიკაში:
Activity.ge იტოვებს უფლებას, ნებისმიერ დროს შეიტანოს ცვლილებები წინამდებარე თანხის დაბრუნების პოლიტიკაში. ცვლილებების შესახებ ინფორმაცია განთავსდება ჩვენს ვებგვერდზე.
თუ თქვენ გაქვთ რაიმე შეკითხვა თანხის დაბრუნების პოლიტიკასთან დაკავშირებით, გთხოვთ, დაუკავშირდეთ ჩვენს მომხმარებელთა მხარდაჭერის სამსახურს.

9. ხელშეკრულების ვადა და შეწყვეტა
9.1 მომსახურების ხელშეკრულება ძალაშია რეგისტრაციიდან მომსახურების შეწყვეტამდე.
9.2 მომხმარებელს შეუძლია ნებისმიერ დროს შეწყვიტოს მომსახურება წერილობითი შეტყობინებით. მიმდინარე სააბონენტო პერიოდის შეწყვეტის შემთხვევაში, უკვე გადახდილი თანხები არ ბრუნდება, თუ ეს სპეციალურად არ არის გათვალისწინებული.
9.3 კომპანიას უფლება აქვს შეწყვიტოს ან შეაჩეროს მომსახურება, თუ:
•    მომხმარებელი არღვევს წესებს და პირობებს;
•    დროულად არ ხდება მომსახურების საფასურის გადახდა;
•    მოქმედი კანონმდებლობა მოითხოვს მომსახურების შეწყვეტას.
9.4 მომსახურების შეწყვეტის შემდეგ, კომპანია ინახავს მომხმარებლის მონაცემებს მაქსიმუმ 30 დღის განმავლობაში, რის შემდეგაც მონაცემები შეიძლება წაიშალოს.
10. პასუხისმგებლობის შეზღუდვა
10.1 სერვისები მიეწოდება "როგორც არის" და "როგორც ხელმისაწვდომია", ყოველგვარი პირდაპირი ან არაპირდაპირი გარანტიის გარეშე.
10.2 კანონით დასაშვებ ფარგლებში, კომპანია არ არის პასუხისმგებელი:
•    ნებისმიერი არაპირდაპირი, შემთხვევითი ან შედეგობრივი ზიანისთვის;
•    მონაცემთა დაკარგვის ან ბიზნესის შეწყვეტის შედეგად წარმოქმნილი ზარალისთვის;
•    შემოსავლის ან მოგების დაკარგვისთვის;
•    ანგარიშის არაავტორიზებული გამოყენებით გამოწვეული ზიანისთვის.
10.3 კომპანიის მაქსიმალური პასუხისმგებლობა შემოიფარგლება მომხმარებლის მიერ ბოლო 12 თვის განმავლობაში გადახდილი თანხის ოდენობით.
11. ფორს-მაჟორი
11.1 არც ერთი მხარე არ არის პასუხისმგებელი ვალდებულებების შეუსრულებლობისთვის, თუ ეს გამოწვეულია ისეთი გარემოებებით, რომლებიც სცილდება მხარის გონივრულ კონტროლს (ბუნებრივი კატასტროფები, სამთავრობო აქტები, ომი, ტერორიზმი, სამოქალაქო არეულობა, ინტერნეტის შეფერხება და სხვა).
12. დავების გადაწყვეტა
12.1 წინამდებარე წესებთან და პირობებთან დაკავშირებული ნებისმიერი დავა რეგულირდება საქართველოს კანონმდებლობის შესაბამისად.
12.2 დავები პირველ რიგში უნდა გადაწყდეს მოლაპარაკების გზით, წინააღმდეგ შემთხვევაში დავა განიხილება საქართველოს სასამართლოების მიერ.
13. დასკვნითი დებულებები
13.1 წინამდებარე წესები და პირობები, კონფიდენციალურობის პოლიტიკასთან ერთად, წარმოადგენს სრულ შეთანხმებას მხარეებს შორის.
13.2 მომხმარებელს არ აქვს უფლება გადასცეს ამ ხელშეკრულებიდან გამომდინარე უფლებები და ვალდებულებები კომპანიის წინასწარი წერილობითი თანხმობის გარეშე.
13.3 კომუნიკაცია კომპანიასთან შესაძლებელია ელ-ფოსტით: info@activity.ge, ტელეფონით: +995 571295335, ან მისამართზე: თბილისი, საქართველო.
13.4 თუ ამ ხელშეკრულების რომელიმე დებულება ჩაითვლება ბათილად, ეს არ იმოქმედებს დანარჩენი დებულებების ვალიდურობაზე.
წინამდებარე წესები და პირობები შედგენილია ქართულ ენაზე. სხვა ენებზე არსებული ვერსიების შემთხვევაში, უპირატესობა ენიჭება ქართულ ვერსიას.